‘सार्वजनिक शिक्षालाई प्राविधिक र प्रयोगात्मक बनाउनुपर्छ’

माघ २९, २०७६

एटुजेट अनलाइन खबर


गोरखा, माघ २९ : गण्डकी प्रदेशका भूमिव्यवस्था कृषि तथा सहकारीमन्त्री लेखबहादुर थापाले सार्वजनिक शिक्षालाई प्राविधिक र प्रयोगात्मक बनाउनुपर्ने बताए । गोरखा नगरपालिका–२ स्थित श्री महालक्ष्मी माविको ६५औँ वार्षिकोत्सव तथा अभिभावक दिवसको उद्घाटन कार्यक्रमलाई आज सम्बोधन गर्दै उनले नेपालका सामुदायिक विद्यालयको शैक्षिकस्तरलाई वृद्धि गर्नुपर्ने आवश्यकता रहेको उल्लेख गरे ।

‘शिक्षालाई प्राविधिक र प्रयोगात्मक बनाउनुपर्ने जरुरी छ’, मन्त्री थापाले भने, ‘अहिले सामुदायिक विद्यालयमा विद्यार्थी संख्या घट्दै गएको छ, त्यसतर्फ ध्यान पु¥याउनु आवश्यक छ ।’ सरकारले शिक्षा क्षेत्रका लागि ठूलो लगानी गरेको भए पनि अपेक्षाकृत नतिजा दिन नसकेको मन्त्री थापाको भनाइ छ ।

मन्त्री थापाले सरकारले व्यावसायिक आधुनिक खेती गर्ने कृषकलाई राज्यले उचित अनुदानको व्यवस्था गर्दै आएको भन्दै व्यावसायिक खेतीमा लाग्न कृषकलाई आग्रह गरे । ‘विपन्न र गरिब किसानलाई आत्मनिर्भर र आर्थिक टेवा पु¥याउन व्यावसाियक खेती आधार हो, त्यसका लागि राज्यले अनुदान सहयोग गर्छ’, उनले भने ।

बँेसीशहरमा जनजाति सांस्कृतिक एवं पर्यटन महोत्सव

चक्रीय अन्नपूर्ण पदमार्गको प्रवेशद्धार रहेको लमजुङको बेँसीशहर नगरपालिकामा दोस्रो जनजाति सांस्कृतिक एवं पर्यटन महोत्सव हुने भएको छ । ‘मौलिक संस्कृति, भाषा र सभ्यता हाम्रो पहिचान ! एकता, समान अधिकार र आर्थिक समृद्धिका लागि पर्यटन’ भन्ने नाराका साथ जनजातिको बाहुल्यता रहेका गण्डकी प्रदेशको दनाइफाँटमा आगामी फागुन २३ देखि चैत २ गतेसम्म हुने भएको हो ।