चौतारामा बन्यो सात करोडको बुद्धस्तुपा पार्क

चैत २५, २०७८

एटुजेड अनलाइन खबर


जिल्ला सदरमुकाम रहेको सिन्धुपाल्चोकको चौतारामा सात करोड रुपैयाँ खर्चेर भ्यूटावरसहितको बुद्धस्तुपा पार्क निर्माण गरिएको छ।

चौतारा साँगाचोकगढी नगरपालिकाले वडा नं. ६ स्थित ट्यांकी डाँडामा यो पार्क बनाएको हो। सात करोड ६ लाख रुपैयाँ खर्च भएको यो पार्कलाई नगरपालिकाले आफ्नो गौरबको योजना मानेको छ। स्तुपा, बुद्धमूर्ति, भ्यूटावर, घेराबारसहितको पार्क आकर्षक छ। दुबोको घाँसे मैदान र फूलको सजावटले पार्क चिटिक्क छ।

नगर प्रमुख अमानसिं तामाङले गौरबको आयोजनाको रुपमा आन्तरिक स्रोतबाटै पार्क निर्माण गरिएको बताए। ‘संघीयतासँगै स्थानीय तह कार्यान्वयनमाा आाएपछि सदरमुकाम ओझेल पर्‍यो। पूरानो चहलपहल र दिनचर्या फर्काउन महत्वकांक्षी बुद्धस्तुपा पार्क बनाएका हौँ,’ उनले भने। ठेक्का प्रक्रियाद्धारा गएको बैशाखबाट पार्क निर्माण थाालिएको थियो।