‘परिवर्तनका लागि काठमाडौंका मतदाता उत्साहित पाएँ’

बैशाख ३०, २०७९

एटुजेड अनलाइन खबर


काठमाडौं, वैशाख ३० : काठमाडौं महानगरपालिकाका मेयरका उम्मेदवार बालेनले काठमाडौंले खोजेको परिवर्तनको सपना आज साकार हुने बताएका छन् ।

काठमाडौंको बसन्तपुर मतदान केन्द्रमा सञ्चारकर्मीसँग कुराकानी गर्दै बालेनले भने, ‘यसपाली मतदाताहरु साँच्चै खुशी छन् । परिवर्तन गर्न मतदाताहरु उत्साहित भएका छन् । आज ५ बजेपछि परिवर्तन आउँछ ।’

काठमाडौंको मेयरमा ५० जना उम्मेदवार छन् । बालेन स्वतन्त्र उम्मेदवार हुन् ।

मतदानस्थलको अवलोकनका क्रममा वसन्तपुर पुगेका उनले आफूलाई मात्र नभई सबै स्थानीय तहमा असल मान्छेहरुलाई मत दिन आग्रह गरेको सुनाए ।

बालेनले ११ बजे तिनकुनेस्थित अन्नपूर्ण विद्यालयबाट मतदान गर्दैछन् ।