प्रचण्ड–नेपाल समूहका नेता एवं सर्लाही ईन्चार्ज वाग्लेको रहस्यमय मृत्यु

माघ २२, २०७७

एटुजेड अनलाइन खबर


काठमाडौं, माघ २२ : नेपाल कम्युनिष्ट पार्टी (नेकपा) पुष्कमल दाहाल–माधवकुमार नेपाल पक्षका केन्द्रीय सदस्य एवम् सर्लाही जिल्ला इन्चार्ज डाचाराज वाग्लेको सवारी दुर्घटनामा मृत्यु भएको छ।

बरहथबाबाट नयाँरोडतर्फ आउँदै गर्दा मूर्तिया चोकबाट केही सय मिटर उत्तर वन कार्यालय नजिक नयाँरोड–बरहथवा सडकखण्डमा बुधबार राति ९ बजे हेल्मेट लगाएर अचेत अवस्थामा लडिरहेको स्थानीयले देखेका थिए । स्थानीयको खबर अनुसार प्रहरी घटनास्थल पुगेको थियो ।

प्रहरीका अनुसार वाग्ले ज १० प ३२०६ नम्बरको मोटरसाईकलमा बरहथवाबाट नयाँरोडतर्फ आउँदै थिए । बरहथवास्थित प्राथमिक स्वास्थ्य केन्द्रमा पुर्याउँदा चिकित्सकले वाग्लेको मृत्यु भइसकेको बताएको ईलाका प्रहरी कार्यालय बरहथवाका प्रमुख प्रहरी नायब उपरीक्षक उद्यव सिंह भाटले जानकारी दिए ।